សាលារាជធានីភ្នំពេញ នឹងដំឡើងភ្លើងស្តុបចំនួន១០០កន្លែង នៅខែកុម្ភៈខាងមុខ
14-January-2016 | ដោយ មួយឡា
ភ្លើងស្តុបចំនួន១០០កន្លែង នឹងត្រូវដំឡើងនៅក្នុងរាជធានីភ្នំពេញ ក្នុងទិសដៅដើម្បី ជួយកាត់បន្ថយដល់បញ្ហាចរាចរណ៍របស់ប្រជាពលរដ្ឋ។ នេះបើយោងតាមការចុះផ្សាយរបស់ទីភ្នាក់ងារសារព័ត៌មានកម្ពុជា (AKP) កាលពីថ្ងៃពុធទី១៣ម្សិលមិញ។
គម្រោងនេះ ធ្វើឡើងដោយមានកិច្ចសហការពី អង្គការ JICA របស់ជប៉ុន ហើយដោយប្រកាសឲ្យដឹងកាលពីថ្ងៃទី១៣កន្លងទៅ តាមរយៈ ឯកឧត្ដម ប៉ា សុជាតិវង្ស អភិបាលរាជធានីភ្នំពេញ នៅក្នុងអង្គប្រជុំជាមួយគ្រប់មន្ត្រី និង ក្រុមការងារមន្ទីរសាធារណការរាជធានីភ្នំពេញដែលពាក់ព័ន្ធ និង តំណាងអង្គការ Jica ក្រុមហ៊ុនកុងស៊ុលតង់ Mets និង ក្រុមហ៊ុនម៉ៅការសាងសង់ Mitsubishi Corporation។
អង្គការ Jica នឹងអនុវត្តគម្រោងតំឡើងភ្លើងស្តុបថ្មីនេះ នៅខែកុម្ភៈខាងមុខ ក្រោយពីបានចំណាយពេលសិក្សាលម្អិតចាប់តាំងពីខែមេសា ដល់ខែសីហាឆ្នាំ២០១៥ កន្លងទៅ៕
ប្រភព៖ ទំព័រសាលារាជធានីភ្នំពេញ
ចំនួនអ្នកទស្សនា
- ថ្ងៃនេះ2961
- ម្សិលមិញ15191
- សប្តាហ៍នេះ46111
- ខែនេះ67991
- ឆ្នាំនេះ67991
- សរុប20510447